Ole Arild Aa frå Hyen vart samlagsmeister i kl 3-5 med 341 poeng etter ein spanande finale der 3 skyttarar hadde 241 før finalen. Nils Holme fekk også 341 poeng, men vart rangert etter på innertiarar. Dei to siste medaljane i kl 3-5 gjekk til Runar Haugland med 339 og Jarle Tvinnereim med 337 poeng. Markane vann klassepokalen på 25-skoten (Rasmus, Tore og Jarle), Hyen vann lagskytinga på 10-skoten. Markane fekk også to klassesigrar, Rasmus Flore i klasse 1 og Tore Saur i kl 2. Det deltok 105 skyttarar på stemnet.